هي الناس بتطلت تفكر و بتنسى بسرعه ليه

بصراحة مش عارف الناس بطلت تفكر ليه ، طيب ممكن يكون التفكير صعب وبيوجع الدماغ وممكن يكون بيسبب زعل للغلبان اللي زينا ، الموضوع باختصار انك تكلم أي حد دلوقتي و هو يكون متعلم يعني معاه بكالوريوس ويمكن ماجستير أو دكتواره و يقولك ياعم البلد خربت كفاية مظاهرات و أعتصمامات الناس الغلابة مش لاقية تاكل البلد وقفت ، هي البلد كانت ماشية أصلا  إلا أذا كانت ماشية للخلف ، و الغلابة اللى بيتكلموا عليهم بقوا غلابة كدهإلا  عشان محدش أتظاهر قبل كده وطالب بحقوقهم.

الكلام من نوعية ما الراجل اللى كان مزعلكوا مشي وهيجي واحد جديد و الموضوع خلص خلاص ، بصراحة مش عارف هي الناس بتكلم الكلام الجديد من الخوف فعلا على البلد ولا نتيجة الخوف المتراكم عندهم من سنيين ولا الغباء المتراكم من كتر متابعة التليفزيون المصري. المهم  صحيح الراجل مشي و زعيم العصابة مشي بس العصابة بحالها لسه موجودة رجالة النظام من الشرطة وأمن الدولة و الوزراء وكبار قيادات الجيش ألا من رحم ربي.

طيب نفكر بهدوء شوية كان في شوية عيال في التحرير معاهم أجندات و بيحركهم كل دول العالم عشان كل دول العالم بتحقد على مصر و المصريين و ده طبعا بيحقدوا علينا عشان خبرة النظام بتاعنا وحكمته وبعد نظره ، المهم أن العيال دي قالت شوية كلام في البداية وكل الرجالة اللي لسه موجودين قالوا بردوا كلام عكسه تمام طيب حد فيهم بييكدب ياترى مين ؟ 

العيال قالت النظام فاسد ومحتاج إصلاح وكمان قت أن البلد محتاجة حرية وعدالة قوم الرجالة قالت دول شوية عيال طيب قوم العيال كبرت في دماغهم وقالوا ضربوك على عينك ياأعور قال خسرانة خسرانة طيب لازم النظام بحاله يمشي قوم الناس الله طهقت واللى تعبت خرجت معتهم وشوية العيال بقدرة قادر بقوا ملاييين طيب كده كويس ... الرجاله قالت ايه طيب يلا نتفاوض وجابو المحظورة والمكسورة من الأحزاب والجماعات قالوا يلا نتفاوض و دي فرصة عمركو  و الملايين لسه في الشارع و كلام الأجندات زاد  طيب عشان منطولش هنا اللي حصل أن العيال خرجت وضحت بحاجات كتير و طلبت مطالب والرجالة طلعت في التلفزيونات و البوتاجازات و قالت قلة مندسة بس احنا بنتفاوض معاهم  يعنى من الآخر العيال ماكدبوش وكلامهم ما اتغيرش والرجالة كانوا كل يوم بكلام ليه ؟ عشان مش عارفيين  فيوم يبقى اجندات ايران وحزب الله وبعدين ملامح باكستانية وبعدين اسرائليين و امريكيين  طيب ايه اللي لم الشامي على المغربي. ( ده غير المغربي الوزير وغير الموز المغربي )

طيب العيال قالوا ان النظام فاسد وفي سرقات والرجالة طلعت قالت عيب تتكلموا على الرموز بتاعة بلدنا دول أبطالنا يكلاب دول الى حاربوا عشانا وضحوا عشان البلد  و دول اللي خدموا البلد سننين ودول رجال البلد المخلصصين قوم بعد كده ياسيدي يطلع كلام العيال مضبوط والأبطال حرامية مع الأعتذار للحرامية وطلعوا نهابيين وهباشيين ، قوم الناس مصدقتش العيال وقالت أشاعات ولما الحقيقة بانت وكل شئ انكشفن وبان المفروض احنا نصدق مين اللى ضحكوا علينا سنيين و خدوا فلوسنا و أراضينا و لا اللى ضحوا بارواحهم ووقتهم

طيب هيقولك بس الناس دي معظمهم في السجون وبيتم التحقيق معاهم ، طيب الرجالة بتاعه البيه واللي جابهم واختارهم بنفسه عمرهم ماقالوله لأ طيب عشان ايه ياتري 1- عشان جبانات وخايفين من اللي هيحصلهم

2- عشان مستفدين  3- مبيغرفوش يقولوا لأ  و طبعا الأجابة مزيج مقرف من 1، 2  ومع طول الوقت بقت 1،2،3

طيب أن هقولك شوية اسماء كانت حوالين الراجل ليل ونهار ومش ممكن ماكانوش يعرفوا اللي بيحصل ده غير بلاوهيم همه شخصيا مثلا

زكريا عزمي - فتحي شرور - صفوت غير الشريف- ممدوح مرعي -- مفيد شهاب -علي الدين هلال-  أحمد شفيق الي مازال يرى أن الرئيس مبارك الراجل اللي ماجبتوش ولاده و طبعا ده في الفساد و قيادة البلد للإنحدار والإنبطاح واللى راح راح .

طيب المحافظيين نفس الكلام - طيب طولتوا عليكوا نكمل بعدين وللحديث بقية